Директори Департаменти хизматрасонии руизаминии Ширкати ҳавопаймоии Сомон Эйр, Миршакаров Кадамшо Афзалович бо мукофоти баланди давлатӣ — медали «Хизмати шоиста» сарфароз гардид

Ширкати ҳавопаймоии Сомон Эйр бо ифтихор хабар медиҳад, ки Директори Департаменти хизматрасонии руизаминӣ Миршакаров Кадамшо Афзалович аз ҷониби Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, барои саҳми арзанда дар рушди авиатсияи граждании кишвар бо мукофоти баланди давлатӣ — медали «Хизмати шоиста» сарфароз гардид.
 

Мо ин мукофоти сазоворро бо ифтихор арзёбӣ намуда, ба Кадамшо Афзалович дар фаъолияти минбаъда комёбиҳои наву муваффақиятҳои бештар ва ба тамоми дастаи Ширкати ҳавопаймоии Сомон Эйр қуллаҳои нави дастовардҳо ва пешрафтро ба манфиати Ҷумҳурии Тоҷикистон таманно дорем!